Crusaders, Condottieri, and Cannon: Medieval Warfare in Societies around the Mediterranean

Testamentum petri morede. in quo canonicis sancte marie predictam domum pro anniuersario suo sicut iam superius dictum est dedit.

In dei nomine et eius gratia. Ego P. moreda timens mortem quam nemo euadere potest, infirmus corpore sed sanus mente facio testamentum meum pro remissione anime mee. In primis dono refectorio sancte marie illam tendam quam ego acquisiui et comparaui de petro sancti pauli. Insuper dono archiepiscopo et canonicis sancte marie maioris in auro xxx morabetinos. Dono cauallum meum sellatum et frenatum et cum omnibus armis meis fratribus de calatrauah. Dono mulum meum amarellum ad hospitale iherusalem. Et sellam meam cum omni apparatu suo dominico capellano sancte marie dimitto. Dono ecclesie sancte leocadie extra muros xxx oues. Sancte marie de sisla dono xx oues. Sancto paulo x oues. Confraternie militantium xii morabetinos. Johanni melendez germano meo dono illas casas meas quas comparaui de saturno iuxta ecclesiam sancte marie magdalene. Dono magistro aimerico meum mantum uiride et meas camisias et braccas bonas et unam almuzallam bonam. W priori sancte marie meam sellam nouam mularem dono. Petro abbati sancte marie magadalene absoluo i morabetino quem mihi debet. Dono coronello v k de trigo et meam saiam et matri sue ii morabetinos. Mando clericis sancte marie magdalene v k de tritico. Dentur pro captiuis xxiiii morabetinos. Dominico subrino capellani et iohanni de iherusalem iii morabetinos. Fortoni qui testamentum hoc scripsit i morabetino. R. sacriste iii morabetinos. Hec omna que supra scripta sunt distribuantur per manus uxoris Semce et domni W prioris et dominici capellani atque Martini aboalin. Facta carta testamenti mense septembris. Era mccii. Hoc totum testificantur testes qui presentes fuerunt et ab ore eius audierunt et nomina sua scripserunt uel scribere preceperunt. Hec omnia que mandaui superius sint de medietate mea quia alia medietas uxoris mee est et si aliquid remanserit de medietate mea in manus uxoris mee sit omnibus diebus uite sue. Post mortem uero ipsius detur pro anima mea et sua ubicumque ipsa mandauerit. Magister aimericus testis. Ego forto presbyter qui hanc cartam scripsi testis. Arnaldus clericus sancte marie magdalene testis. Don clement de san antolin testis et scripserit pro eo.

-114-