13. LUCIFER DEIABOLUS IN INFERNO.
Owte owte! harrowe! helples, slyke hote at es here,
This es a dongon of dole that I am to dyghte,
Whare es my kynde be-come, so cumly and clere,
Nowe am I laytheste, allas! that are was lighte.

My bryghtnes es blakkeste and blo nowe;

101

My bale es ay betande and brynande, That gares ane go gowlande and gyrnande.
Owte! ay walaway! I well even in wo nowe!

14. SECUNDUS DIABOLUS.

Owte! owte! I go wode for wo, my wytte es all wente nowe

105

All oure fode es but filth, we fynde us beforn,
We that ware beelded in blys in bale are we brent
nowe,
Owte! on the Lucifer, lurdan! oure lyghte has thu
lorne.
Thi dedes to this dole nowe has dyghte us,

To spille us thu was oure spedar,

110

For thou was oure lyghte and oure ledar, The hegheste of heven hade thu hyght us.

15. LUCIFER IN INFERNO.
Walaway! wa es me now, nowe es it war thane it was.
Unthryvandely threpe yhe, I sayde but a thoghte.
SECUND. DIAB. We! lurdane, thu lost us.
LUC. IN INF. Yhe ly, owte! allas!

I wyste noghte this wo sculde be wroghte.

116

Owte on yhow! lurdans, yhe smore me in smoke. SECUND. DIAB. This wo has thu wroughte us.
LUC. IN INF. Yhe ly, yhe ly!
SECUND. DIAB. Thou lyes, and that sall thu by.

We! lurdans, have at yowe, lat loke.

120

-5-